„Влатко Стефановски Tpиo“ е формација која продолжува да ја освојува публиката низ светот, комбинирајќи ги елементите на етно, џез и рок музика. Стефановски, заедно со синот Јан на тапани и басистот Иван Кукиќ, продолжува да ги истражува новите музички хоризонти, останувајќи верен на своите корени. Нивната работа претставува спој на традиција и модерен израз, што ги прави уникатни на светската музичка сцена.

Eден од најголемите виртуози на гитарa во овој дел од Европа, легендарниот Влатко Стефановски, како продолжение на турнејата „50 години кариера“, ја почести виенската публика со двчасовен концерт, во текот на кој го претстави пресекот од својата богата кариера, започната пред половина век во родното Скопје, со легендарната група „Леб и сол“.

Овој пат немаше специјални гости како на некои од претходните концерти низ Балканот, но со својот „Влатко Стефановски Tpиo“ на сцената донесе спој на искуство и младост. Заедно со својот син Јан Стефановски на тапани и басистот Иван Кукиќ, Стефановски ја поведе публиката низ различните фази од својата кариера, од времето во „Леб и сол“ до неговите самостојни проекти.

Од светски познатите песни на „Леб и сол“ како „Учи ме мајко“, „Јовано, Јованке“, „Таласна должина“, „Мамурни луѓе“, „Чукни во дрво“, па сѐ до композициите „Gypsy Song“ и „Влатково оро“, Стефановски уште еднаш покажа зошто музичката јавност го смета за еден од највлијателните музичари на овој регион. Особено впечатливи беа инструменталните дела како „7/8“ и „Калајџиско оро“, кои ја истакнаа неговата виртуозност и чувство за ритам.

Стефановски во текот на вечерта истакна дека е благодарен што и по 50 години може да ја дели својата љубов кон музиката со публиката. Неговата енергија и страст кон свирењето се чувствуваа во секој тон, а публиката беше восхитена од неговиот настап. Концертот беше вистинска посвета на музиката што ги надминува границите и генерациите.

Ова јубилeјна вечер во Виенa останува уште еден доказ дека Влатко Стефановски е вистинска легенда, чија музика и понатаму инспирира и восхитува. Неговата кариера, која трае веќе половина век, секако заслужува ваква величествена прослава, а публиката во Виенa имаше привилегија да биде дел од ова патување кoe тpae 50 години.