Од скалите под Камени мост машко лице утрово скокнало во реката Вардар, а по преземените мерки е извадено живо, информираат од Министерството за внатрешни работи.

– Утрово околу 8:30 часот е пријавено дека од скалите под Камен мост машко лице скокнало во реката Вардар. Веднаш по добиената пријава се преземени мерки од полициски службеници од ЕВР Центар и Бит Пазар и Бригада за противпожарна заштита Скопје, и лицето е извадено живо, велат од МВР.

Со итна медицинска помош лицето е пренесено во Градската општа болница „Св. Наум Охридски”.

Во неделата наутро маж се фрли од мостот Близнак во водите на Вардар. За жал, и покрај напорите на спасувачките служби и два дена потрага, тој вчера беше пронајден удавен на два километри низводно од местото.