Македонската фудбалска икона Дарко Панчев се најде во идеалниот тим на Црвена звезда на сите времиња, во избор организиран од српскиот спортски медиум „Моцарт Спорт“, каде глас имаа бројни фудбалски легенди и новинари од Србија.

Панчев, кој ги имаше најславните моменти од својата кариера токму во дресот на црвено-белите од Белград, се памети и по легендарниот гол од пенал во Бари со кој ѝ донесе европска круна на Звезда.

Во овој изборот се најде место и за уште еден Македонец, Илија Најдоски, кој беше вброен меѓу најдобрите резерви во историјата на клубот.

Покрај Панчев, во најсилната постава на сите времиња на Звезда се најдоа и Џајиќ, Савичевиќ, Шекуларац, Стојковиќ, Југовиќ, Петровиќ, Михајловиќ, Белодедиќ, Видиќ и голманот Беара. Тимот од клупата го предводи стратегот Миљан Милиќ.