Македонскиот актер Драган Спасов – Дац ја доби внуката Гаиа во март годинава и оттогаш одлично се снаоѓа во улогата на дедо. Имено, малата Гаиа е прво дете на син му Јаков и неговата сопруга Софија.

Уште од првиот момент, Дац ја сподели големата среќа на социјалните медиуми и тогаш ѝ посвети емотивна песничка на својата внука.

„Добредојде на планетава внуко моја Гаиа!
И сакам да знаеш дека…
Ќе ти ја сакам косата,
убавото носе и насмевката.
Ќе ти ги сакам очите,
и веѓите и трепавиците.
Ќе ти го сакам грлото,
и плачот и гласот.
Ќе ти ги сакам прстињата,
и рачињата и ноџињата
Ќе ти сакам се’
а најмногу добрината!
Твојот дедо Дац“, напиша тогаш актерот на Фејсбук.

Гаиа сега има 10 месеци, а семејството Спасови неретко објавува семејни фотографии на социјалните медиуми.

„Погледнете како дедо Дац се ‘топи’ кога е со својата внука Гаиа“, стои на последната фотка од дедото и внуката, споделена на фан-страницата на Дац и Александар Митевски.

„Добредојде Гаиа“: Дац стана дедо и ѝ посвети емотивна песничка на внуката