Австралискиот актер Расел Кроу, односно неговиот лик Максимус од филмот „Гладијатор“ („Gladiator“), доби скулптура во Малта, но не бронзена или мермерна, туку исклучително слатка – од чоколадо.

Последното во долгата листа со признанија на Кроу е чоколадна скулптура висока речиси два метри, која е направена за да го прикаже главниот лик на епскиот спектакл исклучително верно.

На актерот, очигледно, му се допаднала оригиналната идеја, бил импресиониран од скулптурата и ја пофалил на социјалните медиуми.

„Некои луѓе добиваат бронзени скулптури. Некои од мермер. Во Малта ме направија од… чоколадо. Откако фестивалот ќе заврши, јас ќе бидам достапен за… јадење“, напиша Кроу.

Some people get statues made of bronze.
Some in marble.
In Malta, they have made me out of … chocolate !!!
This weekend in beautiful Malta is the world famous Hamrun Chocolate festival.
The artist is Tiziano Cassar.

When the competition is over, I will be available to eat… pic.twitter.com/y7pHd0Niwn

— Russell Crowe (@russellcrowe) October 19, 2023

Скулптурата е создадена како дел од годинашното 13. издание на чоколадниот фестивал „Хамрун“ во Малта, каде што делумно е и снимен легендарниот филм. Таа тежи околу 150 килограми, а нејзиниот творец Тицијано Казар направи и чоколаден Мики Маус за годинашниот фестивал.

ФОТО | Расел Кроу е далеку од секс – симбол: Што остана од градијаторот Максимус?