ФОТО | Четири турски заводници кои имаат балканско потекло, едниот актер влече корени од Македонија
Турските актери станаа синоним за харизма, мажественост и неодолива привлечност. Нивниот продорен поглед и несекојдневната комбинација на страст и нежност ги освоија срцата на гледачите во светот.
Препорачано
Она што ги прави уште поинтересни за публиката од Балканот е фактот што многу од нив потекнуваат токму од овие краеви. Нивната крв ги носи приказните на нивните предци, зачувувајќи ги спомените на старите земји, додека тие со својот талент го освојуваат современиот свет.
Ви ги претставуваме четворица турски актери со балканско потекло, нивните кариери, актуелни проекти и интересни нешта од нивниот приватен живот.
Киванч Татлитуг – златното момче на турската кинематографија
View this post on Instagram
Киванч Татлитуг, роден на 27 октомври 1983 година во Адана, важи за еден од најатрактивните турски актери. Тој е познат и по прекарот „турскиот Бред Пит“. Неговата висока фигура, продорни сини очи и мажествена појава го направија миленик на женската публика. Киванч потекнува од семејство на босански мигранти, со што гордо се фали, истакнувајќи ги своите балкански корени.
Иако како тинејџер сонувал да стане професионален кошаркар, судбината го одвела во светот на модата и глумата. Благодарение на беспрекораната убавина и шарм, тој брзо станал најбаран модел во Турција. Неговата актерска кариера започнала со улогата во серијата „Гумуш“ (2005), но вистинската слава ја стекнал како Бехљул во хит-серијата „Забрането овошје“ (2008). Неговата способност да биде и романтичен и мистериозен во исто време го направила еден од најбараните актери во индустријата.
Татлитуг се истакна во многу проекти, вклучувајќи ги „Езел“ (2009), „Север-југ“ (2011) и „Судбина“ (2016). Неговата последна улога во филмот на Нетфликс „Последен повик за Истанбул“ уште еднаш ја докажа неговата актерска големина.
Меѓу најновите проекти се издвојува серијата „Ајле“.
Приватно, Киванч е во среќен брак со стилистката Башак Дизер од 2016 година.
Чагатај Улусој – модерниот принц на турската телевизија
View this post on Instagram
Чагатај Улусој, роден на 23 септември 1990 година во Истанбул, е уште еден актер со балкански корени. Неговото семејство потекнува од Босна и Херцеговина, а неговата заводлива насмевка и лежерен шарм оставија неизбришлива трага во турската кинематографија.
Неговиот пат до славата започна со титулата најдобар модел на Турција во 2010 година. Набргу потоа тој дебитираше во серијата „Adını Feriha Koydum“, играјќи го богатиот и ранлив млад човек Емир, со што стекна огромна популарност. Потоа следуваа улогите во „Меџезир“ (2013-2015), турската верзија на серијата „Округот Оранџ“ и акциониот трилер „Ичерде“ (2016-2017), каде ја покажа својата актерска сестраност.
Чагатај е и првиот турски актер кој стана дел од продукција на Нетфликс, глумејќи во серијата „Заштитникот“ (2018-2020), со што ја зацврсти својата меѓународна слава. Неговите најнови серии на Нетфликс „Терзи“ (2023) и „Вистински господин“ (2024) му донесоа нова армија од женски обожаватели.
Кога станува збор за љубовниот живот, Чагатај со години беше во врска со Дујгу Сарисин, позната турска актерка. Нивната врска долго време ги интригираше медиумите, но на крајот на 2022 година решија да стават крај на врската. Во моментот се шпекулира дека е во врска со мистериозна дама од уметничките кругови, но актерот приватниот живот го држи подалеку од очите на јавноста.
View this post on Instagram
Роден на 4 април 1990 година во Истанбул, Фуркан Андич е актер кој во себе носи спој на турско и балканско наследство. Неговата мајка е од Босна, а тој дел од неговите корени го гледа како значаен дел од неговиот идентитет.
Со висина од 190 см, изразена вилица и насмевка која освојува на прв поглед, Фуркан е еден од омилените турски актери од помладата генерација. Актерската кариера ја започна во серијата „Колеј Гунлугу“ (2011). Неговата способност да игра неодоливи романтични херои му го донесе прекарот „турскиот принц на шармот“.
Публиката го обожава не само поради неговиот талент, туку и поради тоа што важи за еден од најпристапните и најдуховитите актери во индустријата. За неговиот приватен живот, познато е дека бил во врска со колешката Дилан Чичек Дениз, но раскинале во 2018 година.
Џан Јаман – оган, страст и нескротлива харизма
View this post on Instagram
Џан Јаман, роден на 8 ноември 1989 година во Истанбул, поседува необична комбинација на сирова мажественост и заводлив поглед. Неговите корени водат кон Балканот – неговиот дедо е од Косово, а неговата баба е од Македонија.
Џан, кој ја толкуваше главната улога во хит-серијата „Романтичарот“, е турски актер, модел и правник, кој ги освојува женските срца на ТВ-екраните и на социјалните мрежи.
Во јуни 2024 година, Јаман ја шокираше јавноста со бришење на својот профил на Инстаграм и сите објави на платформата Икс (поранешен Твитер). Причината за овој потег беа медиумскиот притисок, критиките и неговото преселување во Италија, што создаде токсична атмосфера што го доведе до оваа одлука.
Тој потоа изјави: „Не ги користам социјалните мрежи во моја корист; дојдов овде да работам, а не како турист“.
По враќањето на Инстаграм, Јаман во рок од три дена сподели повеќе од 10 објави, обвновувајќи го контактот со своите следбеници и создавајќи огромно очекување во врска со неговите нови проекти. Неговата фотографија со Ед Вествик, снимена во текот на претставувањето на серијата „Сандокан“ во Лондон, стана вирална и предизвика лавина коментари и шпекулации за нивниот професионален и личен однос.
А, на љубовен план, се чини дека не е зафатен.
Турскиот актер во една прилика ја запроси познатата италијанска водителка Дилета Леота по краток период на врска. Меѓутоа, Дилета Леота и Џан Јаман се разделија и нивната свршувачка беше откажана.
