Македонија повторно има своја претставничка на изборот за Мис на светот, а честа да ја претставува нашата земја ѝ припадна на 20-годишната Чарна Невзати. Натпреварот официјално започна во саботата вечерта во Хајдерабад, Телангана, со спектакуларен приказ на културни настапи, меѓународна мода и глобално претставување.

На сцената меѓу преставничките од речиси 110 земји кои се дел од овој натпревар блесна и нашата Чарна со впечатлива креација од Фуад Сарикис. Плисираната омбре креација со боите на македонското знаме беше надополнета со раскошен цветен додаток на главата.

 

View this post on Instagram

 

A post shared by Charna Nevzati (@nevzaticharna)

„Чекорејќи во наследството на убавината со цел, на 72-та церемонија на отворање на Мис на светот, повеќе од благодарна сум што ја претставувам мојата земја на оваа глобална сцена. Чест ми е да ја носам оваа прекрасна креација од Фуад Саркис, ти благодарам што ме натера да се чувствувам како кралица! На здравје за новите пријателства, незаборавните моменти и патувањето за цел живот“, напиша Чарна покрај фотографиите од отворањето на натпреварот.

Инаку, 72. издание на натпреварот Мис на светот ќе се одржува од 7 до 31 мај и ќе опфаќа разновиден спектар на културни, духовни и добротворни активности.

ФОТО+ВИДЕО | Чарна Невзати ќе ја претставува Македонија на Мис на светот 2025 во Индија