ФОТО: Царината во Индија заплени неколку живи змии нелегално внесени во земјата
Царинските власти во Индија уапсија патник кој нелегално превезувал живи змии на аеродромот во Мумбаи во неделата, што е трета таква заплена на шверцувана стока од страна на властите за еден месец.
Препорачано
„Царинските власти спречија нов обид за шверц на диви животни, 16 живи змии беа запленети од патник кој се враќал од Тајланд“, соопштија царинските власти на аеродромот во големиот индиски град.
Customs officers at CSMI Airport, Mumbai Customs Zone-III foiled yet another wild life smuggling attempt, 16 live snakes-Garter, Rhino Rat, Albino Rat, Kenyan Sand Boa, CA King etc. seized from passenger returning from Thailand. Passenger arrested. Further investigation underway. pic.twitter.com/4n4o6ZK3U5
— Mumbai Customs-III (@mumbaicus3) June 29, 2025
Мажот, кој вчера пристигна на аеродромот, беше уапсен и „понатамошна истрага е во тек“, соопштија царинските власти во соопштението.
Товарот главно содржел змии кои не се отровни или чиј отров е премногу слаб за да им наштети на луѓето, а кои често се продаваат како домашни миленици.
На почетокот на јуни, индиските царински власти уапсија патник кој превезувал околу 40 отровни змии, кои исто така пристигнале од Тајланд.
Неколку дена подоцна, властите уапсија и патник кој превезувал околу 100 животни, вклучувајќи гуштери, птици и опосуми.
Невладината организација TRAFFIC, која се бори против нелегалната трговија со диви животни, предупреди на „многу загрижувачки“ тренд во шверцот со животни, поради трговијата со егзотични домашни миленици.
Над 7.000 живи или мртви животни се запленети во последните три и пол години во воздушниот транспорт меѓу Тајланд и Индија.
