Панамската инфлуенсерка Грејси Бон (26), позната по своите големи облини, налутено побара од една авиокомпанија да ги зголеми седиштата во нивните авиони бидејќи, како што вели таа, „не ѝ го собира задникот“ во нив.

Имено, таа сподели видео на кои ги покажа предизвиците со кои се соочува секој пат кога лета, вклучувајќи го и врзувањето на појасот. Потоа се гледа како шета низ аеродромот, гледа назад, се насмевнува и ја покажува својата фигура.

На објавеното видео, девојката вели дека „авионите треба да имаат поголеми седишта“ и понатаму објаснува дека „таа не е виновна што има голем задник“.

„Зголемете ги тие места!“, истакна инфлуенсерката, а пренесе „Дејли мејл“.

Таа го сподели видеото со своите пет милиони следбеници на Инстаграм, а набрзо собра 1,6 милиони прегледи.

Сепак, не сите имаат убаво мислење за нејзините облини и брзо истакнаа дека таа сама го предизвикала проблемот со тоа што се одлучила за бројни операции. Коментарите под видеото беа главно негативни, при што еден корисник ѝ напиша: „Она што ви треба е поголем мозок“, додека друг му предложи „да купи две места наместо едно, бидејќи очигледно има доволно пари да си ги дозволи“.

Во меѓувреме, едни се пошегуваа дека требало да „се вози со воз“, а други истакнаа дека „никој не ја принудил да оперира“.

Сепак, некои корисници се согласија со манекенката и ја искажаа истата желба како нејзината. Некои дури и застанаа во одбрана на несреќната инфлуенсерка и истакнаа дека единствената операција што ја направила е затегнување на стомакот.