Бразилецот Џуниор Бевилаква стана познат по својата сличност со познатата кукла Кен. Имено, тој досега тој потрошил повеќе од 70 илјади евра на пластични операции и други естетски корекции за да го постигне тој изглед.

Низ годините, Бевилаква направил 80 процедури, меѓу кои и липосукција, две операции на носот и реконструкција на вилицата. Исто така, тој секој месец прави пилинзи и третмани за подмладување, како што се ботоксот и филерите.

Иако многумина го споредуваат со познатата кукла, тој вели дека никогаш немал намера да изгледа како Кен.

„Никогаш немав намера да изгледам како Кен. Само имав стил, кој е близок на неговиот. Имаме иста боја на коса, светли очи и модерна облека, па луѓето автоматски почнаа да ми коментираат дека личам на него, дури и пред операциите. Сите операции кои ги направив, ги направив за да го подобрам својот изглед“, изјавил тој за „Дејли стар“.

„Бразилскиот Кен“, како што му пишува во описот на неговиот инстаграм-профил, вели дека е голема ѕвезда во Бразил и дека неретко луѓето сакаат да се фотографираат со него.

Исто така, тој потенцира дека сега, после сите операции, е многу задоволен од својот физички изглед.

Погледнете што се случува кога ги пребарувате Рајан Гослинг, Маргот Роби или „Barbie“ на Гугл