Ал Хилал го победи Ал Итихад со 4:1 и така го освои саудискиот Суперкуп. Абдерезак Хамдалах го постигна единствениот гол за Ал Итихад, додека за победничкиот состав по два гола постигнаа Малком и Насер Ал Далсари. За Ал Итихад цел натпревар го одигра и Карим Бензема кој не придонесе скоро ништо на теренот.

По натпреварот, Греси Бензема (31) братот на освојувачот на „Златната топка“ од 2022 година жестоко го критикуваше тренерот на Ал Итихад, Марсело Гаљардо.

„Сега го стави Карим на левата страна? Тоа е криминално и нема смисла. Треба да се почитува фудбалот“, напиша Греси Бензема кој според информациите на „Трансфермаркт“ исто така е напаѓач.

Karim Benzema’s brother on IG

Karim, you play left now ??

This is a crime!!!

It makes no sense.

Football needs to be respected ? pic.twitter.com/0lkCA1E4ES

— Al Nassr Zone (@TheNassrZone) April 11, 2024

Ќе потсетиме, Бензема летото 2023 година го напушти Реал Мадрид и потпиша тригодишен договор со Ал Итихад каде што добива годишна плата од 200 милиони евра. Во последниот период не игра во најдобра форма бидејќи беше во четиримесечна криза без постигнат гол која ја прекина со голот против Ал Вехда во полуфиналето од Суперкупот.

Бензема четири месеци не постигнал гол: Не сум истиот затоа што и соиграчите не ми се исти