Фото: Profimedia

ФОТО | Божиќен концерт: Кејт Мидлтон изгледаше неверојатно во бело, принцот Луис повторно правеше „лудории“

Принцезата Кетрин во петокот го организираше традиционалниот божиќен концерт во Вестминстерската опатија. Таа се појави во придружба на нејзиниот сопруг, принцот Вилијам и нивните три деца – десетгодишниот принц Џорџ, осумгодишната принцеза Шарлот и петгодишниот принц Луис.

Божиќниот концерт се случува по третпат – принцезата Кетрин ја започна традицијата во 2021 година.

Годинашниот концерт беше посветен на кампањата „Обликувајќи нè“ („Shaping Us“), која е под водство на принцезата и се фокусира на нејзината мисија да ги поддржува децата во првите години од нивниот живот.

Фото: Profimedia

Припадниците на британското кралско семејство се познати по својот елегантен стил, па и оваа година принцезата Кетрин воодушеви со прекрасно бело палто од брендот „Севил Роу“.

Фото: Profimedia

Инаку, ова е прво појавување на принцот Луис на божиќниот концерт и веднаш го привлече вниманието кон себе со своето симпатично однесување. Имено, тој се пошегува со својата сестра Шарлот, дувајќи ѝ ја свеќата која ја држеше во раката.

Фото: Profimedia

Присутните на концертот уживаа во изведбите на хорот на Вестминстерската опатија и на музичките ѕвезди Адам Ламберт, Беверли Најт, Џејкоб Колиер, Фреја Ридингс и Џејмс Беј.

Адам Ламберт, Џејмс Беј и Беверли Најт / Фото: Profimedia

 

Необична фотографија: Принцот Вилијам и принцезата Кетрин ја објавија божиќната честитка

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот