Принцезата Кетрин во петокот го организираше традиционалниот божиќен концерт во Вестминстерската опатија. Таа се појави во придружба на нејзиниот сопруг, принцот Вилијам и нивните три деца – десетгодишниот принц Џорџ, осумгодишната принцеза Шарлот и петгодишниот принц Луис.

Божиќниот концерт се случува по третпат – принцезата Кетрин ја започна традицијата во 2021 година.

Годинашниот концерт беше посветен на кампањата „Обликувајќи нè“ („Shaping Us“), која е под водство на принцезата и се фокусира на нејзината мисија да ги поддржува децата во првите години од нивниот живот.

Припадниците на британското кралско семејство се познати по својот елегантен стил, па и оваа година принцезата Кетрин воодушеви со прекрасно бело палто од брендот „Севил Роу“.

Инаку, ова е прво појавување на принцот Луис на божиќниот концерт и веднаш го привлече вниманието кон себе со своето симпатично однесување. Имено, тој се пошегува со својата сестра Шарлот, дувајќи ѝ ја свеќата која ја држеше во раката.

Присутните на концертот уживаа во изведбите на хорот на Вестминстерската опатија и на музичките ѕвезди Адам Ламберт, Беверли Најт, Џејкоб Колиер, Фреја Ридингс и Џејмс Беј.

Необична фотографија: Принцот Вилијам и принцезата Кетрин ја објавија божиќната честитка