Раперот Нели (49) и пејачката Ашанти (43) го добија нивното прво заедничко дете, а среќната вест ја споделија на социјалната мрежа Инстаграм.

Аренби ѕвездата објави две фотографии, на кои позира во долна облека четири недели по породувањето.

„Интересно е како се одвиваат животните планови. Секогаш на време. Долг период чекав да станам мајка, но ништо не можеше да ме предупреди за она што го носи мајчинството. Вака изгледам постпородилно и навистина се чувствувам удобно во овие шорцеви. Многу сум горда на своето тело бидејќи ми го создаде моето малечко момче“, напиша таа во описот.

„Не сте свесни што може ова тело да создаде“, додаде таа во видеото, кое исто така го сподели на Инстаграм.

Извор за „Пипл“ го откри и името на момчето, Карим Кенкајде Хајнес, но и датумот на неговото раѓање – 18 јули 2024.

„Гордите и среќни родители се навистина заљубени во Кеј Кеј“, сподели изворот за „Пипл.“

Ова ѝ е прво дете на Ашанти, додека раперот веќе ги има ќерката Шанел (29) и синот Корнел Хејнс Трети (24) со поранешната партнерка Шанета Валентин.

Инаку, парот се запозна во 2003 година на прес-конференција по повод доделувањето на музичките награди Греми. Тие беа во врска десет години, а потоа раскинаа. Но, десет години подоцна, во април 2023 година, почнаа гласини дека се смириле додека седеле заедно на боксерски меч во Лас Вегас. Неколку месеци подоцна, Нели потврди дека се повторно заедно.

Ја обновија врската по 10 години: Ашанти и Нели го очекуваат нивното прво дете