Актуелниот фудбалер на Атлетико Мадрид, напаѓачот Антоан Гризман доби своја статуа во Париз.

Статуата на Гризман е поставена во Париз, во музејот „Гревен“ и сега беше претставена пред медиумите. Мора да се признае дека за разлика од статуите на некои други фудбалери во минатото, оваа изгледа одлично и креаторот заслужува пофалби.

Кариерата во Шпанија, Гризман ја започна во Реал Сосиедад каде што пристигна уште во младинските категории во 2005 година. Потоа со голем успех го носеше дресот на Атлетико од 2014-та до 2019-та година кога се пресели во Барселона.

Трансферот во Барселона не се покажа како најдобар потег за него, па се врати во Атлетико каде што повторно почнува да ја враќа старата форма. За француската репрезентација настапи на 117 натпревари и постигна 42 гола.