Актерот Ал Пачино (83) поминува време со поранешната партнерка Беверли Д’Анџело (71) додека чека дете со девојката Нур Алфалах (29).

Легендарниот актер познат по „The Godfather“ и „Scarface“ им се придружи на Д’Анџело и нивните деца, близнаците Антон и Оливија (22) на неделниот семеен излет во Лос Анџелес.

Во еден момент, Пачино и Д’Анџело – кои никогаш не биле во брак – биле фотографирани заедно надвор како разговараат, пишува „Пејџ сикс“.

Пачино и Д’Анџело (71) останаа блиски пријатели по нивната разделба во 2004 година. Повторното обединување на парот доаѓа неколку недели откако актерот потврди дека го очекува четвртото дете со Нур.

Тој има и ќерка Џули (33) со Џен Тарант.

Инаку, Пачино го прекина молкот за бременоста на Нур во видео до кое дојде британскиот таблоид „Дејли мејл“.

– Многу е посебно – рекол актерот.

– Секогаш беше така. Имам многу деца. Но, ова е навистина посебно пристигнување во ова време – истакнал тој.

Тогаш Пачино изјави дека не знае дали тој и Алфалах, која наводно е во осмиот месец од бременоста, ќе имаат момче или девојче.

Во меѓувреме, Д’Анџело неодамна сподели некои од деталите за нејзината врска со Пачино, за која откри дека започнала како „средба на двајца уметници“ пред 27 години. Тие беа во врска од 1996 до 2004 година.

Ал Пачино на 83 години очекува дете со 54 години помладата девојка

Ал Пачино на 83 години очекува дете со 54 години помладата девојка