Возачот на „Ферари“, Шарл Леклер ја освои пол позицијата во квалификациите за трката во Лас Вегас (САД), претпоследна сезонава во Формула 1 шампионатот.

За Леклер ова е петта пол позиција оваа година, втор ќе стартува Карлос Саинц Јуниор од „Ферари“, а трет шампионот Макс Ферстапен од „Ред Бул“.

Леклер инаку 23 пати во кариерата стартуваше трка како првопласиран, но само петпати успеа да ја искористи таа предност за победа.

Луис Хамилтон од „Мерцедес“ ќе стартува дури од 11 позиција. Во генералниот пласман убедливо прв е Ферстапен со 524 бодови, пред неговиот клупски колега Серхио Перез (258), а трет е Хамилтон (226).

Пласманот на возачите за трката во Лас Вегас –

Прв ред: Леклер – Сајнц
Втор ред: Ферстапен – Расел
Трет ред: Гасли – Албон
Четврти ред: Сарџент – Ботас
Петти ред: Магнусен – Алонсо
Шести ред: Хамилтон – Перез
Седми ред: Хулкенберг – Рикардо
Осми ред: Норис – Окон
Деветти ред Зоу – Пјастри
Десетти ред: Строл – Цунода