Актуелниот шампион во Формула 1, Макс Верстапен е победник на првата трка во новата сезона, за Големата награда на Бахреин.

Така, возачот на „Ред Бул“ продолжи таму каде што застана во минатата сезона и на одличен начин дојде до првиот триумф на патеката Шакир.

Дека тимот на „Ред Бул“ ќе биде уште подобар оваа сезона говори и фактот што на оваа патека оствари двојна победа, откако Серхио Перес заврши на второто место.

Трет беше Карлос Саинц од редовите на „Ферари“. Редоследно од четвртата до 10 позиција се најдоа Леклер, Расел, Норис, Хамилтон, Пјастри, Алонсо и Строл.

Следната втора трка ќе се вози на 9 март за Големата награда на Саудиска Арабија.