Возачот на Мерцедес, Џорџ Расел, е победник на трката за Големата награда на Канада во Формула 1 шампионатот.

Расел ја забележа својата четврта победа во кариерата на патеката во Монтреал, а прва во тековната сезона.

Второто место го освои четирикратниот последователен светски шампион – Макс Ферстапен од Ред Бул, додека третопласираниот Андреа Кими Антонели од Мерцедес исто така го постигна првиот пласман на подиумот.

Петтото и шестото место им припаднаа на возачите на Ферари, Шарл Леклер и Луис Хамилтон, додека меѓу првите 10 завршија и Фернандо Алонсо (Астон Мартин), Нико Хулкенберг (Заубер), Естебан Окон (Хас) и Карлос Саинц (Вилијамс).

По 10 трки, Пјастри води во генералниот пласман со 198 бода, Норис е втор со 176 бода, Верстапен е трет со 155 бода, додека Расел е на четвртото место со 136 бода.

Шампионатот продолжува за две недели со Големата награда на Австрија.