Мултимедискиот центар „Вижн“, како и секогаш ги нуди оптималните решенија со високи перформанси за потребите на аудио и видео професионалците, како и за страсните љубители на музичката и филмската уметност.

Овој пат фокусот е ставен на подлабоко, поквалитетно, емотивно поврзување со аудио перформансите кои ги нуди новата линија на активни звучници „Фокус“ од Динаудио.

По тој повод, екипата на „Вижн“ во среда и четврток (28 и 29 јуни), од 12 до 20 часот, ве кани во нивната демо соба на пробно „возење“ на новата линија на звучници, Фокус 10 и Фокус 30.

„Во овие тешки и жешки денови ќе се ладиме со нешто многу кул! Добро познатите и долго посакуваните звучници од новата ‘Фокус’ линија oд ‘Динаудио’ се конечно во наши раце!

Ви ветуваме незаборавно искуство и интересно доживување со минималистичкиот концепт на доживување на музичката уметност со интеграција на најновата COOL технологија во линијата Focus – DYNAUDIO“, велат од „Вижн“.

Тоа не е само нова фамилија на звучници, тоа е нов, освежувачки начин на слушање на музиката што ја сакате, додаваат тие.