Кертис Виндом од Флорида беше погубен со смртоносна инјекција за убиство на неговата девојка, нејзината мајка и маж за кој тврдеше дека му должел пари повеќе од три децении.

– Егзекуцијата се изврши во државниот затвор на Флорида во близина на Старк. Виндом беше осуден за убиствата на Валери Дејвис, нејзината мајка Мери Лабин и Џони Ли, за кој рече дека му должел 2.000 долари – објави „Фокс њуз“.

Ова е 11-та егзекуција во Флорида од почетокот на годината, со што државата постави рекорд по бројот на извршени смртни казни под републиканскиот гувернер Рон ДеСантис. Веќе е закажана нова егзекуција за 17 септември.

Флорида моментално предводи во САД по број на егзекуции оваа година, со значителна разлика пред Тексас и Јужна Каролина, каде што се спроведени по четири. Од јануари досега, низ целата земја се извршени вкупно 30 егзекуции.