Тренерот на Барселона, Ханси Флик, денеска потврди дека Ламин Јамал ќе се врати во составот за викендот.

Натпреварот против Овиедо ќе биде прерано за негово враќање на терен, но затоа младиот талент ќе биде во составот во недела против Реал Сосиедад, исто како и Алехандро Балде.

„Јамал и Балде се опоравени и тренираат со екипата, но мечот со Овиедо е сепак прерано за нив. Во недела ќе сметаме на нив,“ изјави Флик.

Да потсетиме, Пабло Гави ќе мора да паузира околу пет месеци поради сериозна повреда на коленото, додека Фермин Лопез се очекува да се врати по октомвриската пауза.

Најважно за каталонскиот клуб е тоа што и Ламин Јамал и Алехандро Балде ќе бидат подготвени за големото дерби со Пари Сен Жермен кое е закажано за 1 октомври.

Превземено од: https://sport.com.mk/