Фјури потврди: Џошуа нека ми ги чува појасите, уште две борби и крај!
Тајсон Фјури потврди годинава планира да се повлече од боксот, и тоа после борбата против англискиот боксер Ентони Џошуа.
Неодамна во седмата рунда го нокаутираше Вајлдер во Лас Вегас и дојде повторно на светскиот трон, каде што беше и во 2015. година кога ја запре доминацијата на Владимир Кличко.
Препорачано
Исто така, Фјури има обврска спрема веќе потпишаниот договор да има уште една борба со Дионтеј Вајлдер.
Се најавува дека борбата е закажана за 18 јули, а потоа ќе има уште една борба, последна за апсолутен шампион на светот, Ентони Џошуа (најверојатно во декември), по што ќе замине во пензија.
Претходно на 20 јуни Бугаринот Кубрат Пулев на стадионот во Тотенхем во Лондон ќе го предизвика Џошуа.
– Имам уште две борби и толку. Зад мене се 12 години професионална кариера, непоразен сум во 31 борба, сосема доволно. Сигурен сум дека повторно ќе бидам подобар од Вајлдер. Го скршив и првиот и вториот пат, истото ќе го направам и по третпат. Тој е опасен борец, подготвен е да искористи грешка, но јас нема да ја направам. И потоа Џошуа и јас за крај. Ќе го победам и него. Џошуа само ги чува моите појаси (ВБА, ИБФ, ВБО), бидејќи никогаш не ги загубив. Тие се мои појаси и се додека некого не совладаш во рингот, како можеш да се нарекуваш шампион? – рече Фјури во програма за британска телевизија.
