Филмот „Џокер 2“ (Joker: Folie a Deux) води во овогодинашните номинации за „Златна малина“, наградите за најлоши филмови и изведби на годината, со вкупно седум номинации.

Овие награди, чии номинации се објавени ден пред номинациите за Оскар, се доделуваат за најлоши филмови, машки и женски улоги, сценарио и филмови.

Првиот филм „Џокер“, со Хоакин Феникс во главната улога, го освои Оскар за најдобар актер. Но, овој пат, Феникс беше номиниран за најлош актер во нов филм. Неговата филмска партнерка Лејди Гага беше номинирана во категоријата за најлоша актерка. Сепак, и покрај критиките, филмот заработи 200 милиони долари.

Филмот „Мегалополис“ на Френсис Форд Копола и филмот „Реган“ за поранешниот американски претседател Роналд Реган се меѓу номинираните филмови за наградата „Златна малина“. Џенифер Лопез, Џон Војт и Кевин Харт се меѓу останатите актери номинирани за најлош актер.

Наградите „Златна малина“ се доделуваат од 1980 година, а номинациите ги избираат 1.000 членови на фондацијата „Златна малина“, која ја пародира Американската академија за филмски уметности и науки.

За прием во оваа фондација е доволна претплата од 40 долари годишно. Победниците кои вообичаено не присуствуваат на доделувањето на наградите добиваат златно-жолта скулптура од малина која чини 4,79 долари.

Победниците се објавуваат секоја година еден ден пред доделувањето на Оскарите, церемонијата на доделување награди на Американската академија за филмски уметности и науки. Оваа година доделувањето на Златна малина ќе се оджи на 1 март.

Целата листа на номинирани по категории може да ја погледнете ТУКА.

ВИДЕО | Новиот „Џокер“ доби 11-минутни овации во Венеција: Мислењата на критичарите се поделени