Претседателот на Социјалдемократскиот сојуз на Македонија (СДСМ), Венко Филипче, е во еднодневна посета на Париз, каде, според партијата, се сретнал со „високи француски политички претставници“, со кои разговарал за реформската агенда и за најавената предлог-резолуција на СДСМ
за „црвените линии“ во спорот со Бугарија.

Филипче одржал работна средба со пратеничката и потпретседателка на групата за пријателство Франција – Северна Македонија во француското Собрание, Лилиана Танги, со шефот на Канцеларијата за соседство, проширување и одбрана при Генералниот секретаријат за европски прашања, Жозеф Жустиниани, како и со директорот за Континентална Европа при Министерството за Европа и надворешни работи, Брис Рокфеј и со специјалниот претставник за Балканот, Рене Троказ.

На состаноците, според СДСМ, била истакната „поддршката од Франција во процесот на евроинтеграција“, но и „потребата од брзи резултати во исполнување на обврските и работа на реформите“.