Лидерот на политичката партија СДСМ, Венко Филипче побара итна декласификација на целата документација од случајот кој, како што вели тој, власта во јавноста го презентирала како афера за прислушкување.

– За ова има јасна постапка по која АНБ може да ги обелодени сите информации и документи. Случајот треба да биде достапен на јавноста за да се суди дали и кој ја злоупотребил функцијата во службите за безбедност. Доколку АНБ ова не го направи, ќе биде јасно дека ова ќе биде уште еден неуспешен обид за манипулација. Исто како што беа случаите за неколку дестабилизации, за следење со дронови, за обиди за поткуп од странски компании на премиерот и слични приказни за кои никогаш ништо не се дозна ништо повеќе – вели Филипче.

Тој додаде дека ВМРО-ДПМНЕ си игра со безбедносниот апарат и го користи за дневна политика.

-Истото го прави и со сите други сериозни прашања. Ова е одлика на инфантилни политичари и популистички партии, чиј единствен интерес е како да го оттргнат вниманието од проблемите со кои се соочуваат граѓаните. Добро е што веќе никој не им верува на овие потрошени стратегии од времето на Никола Груевски, кои сега се рециклираат во услови кога Владата нема никаков резултат – додаде тој.

АНБ го известила ЈО за незаконско и неетичко постапување на поранешен директор и група вработени