Поранешниот македонски репрезентативец Филип Деспотовски официјално е новиот тренер на фудбалскиот клуб Кожуф.

Деспотовски доаѓа од екипата на ФК Тетекс Тетово каде беше тренер во сезоната 23/24.

По поднесената оставка на тренерот Трајче Сенев, беше свикан состанок на управниот одбор, каде беше прифатена оставката и беше одлучено корнилото да го превземе стратегот Деспотовски.

Деспотовски во својата тренерска кариера беше асистент во лигата на Саудиска Арабија во тимовите на Најран, Најерни и Хатта, и ФК Емирати во Обединетите Арапски држави.

Исто така беше и тренер во фудбалската школа на ФК Вардар (У-16, У-19, У-21) каде е избран за најдобар младински тренер.

Моментно ФК Кожуф е на деветтата позиција по 17 одиграни кола во Втората македонска лига.