Одбојкарскиот клуб на Струмица НИКОБ му посакаа добредојде на новото засилување ова лето, Филип Деспотовски. После 15 години интернационална кариера, еден од најдобрите техничари во Македонија се приклучува на тимот.

Од клубот велат дека долгогодишниот член нашата репрезентација ќе биде конкуренција на Тиме Ричлиев и ќе донесе стабилност во играта со своето искуство стекнато во својата богата кариера.

Овој месец ОК Струмица НИКОБ ги започна подготовките за новата натпреварувачка сезона, на домашната и меѓународната одбојкарска сцена.

Во екипата се врати репрезентативецот Стојан Илиев, се приклучи и Русинот Александар Злобин (коректор) кој е единствениот од странците останува и оваа сезона.

Покрај Злобон екипата ќе ја засилат уште двајца негови сонародници, Максим Михаилов (примач) од Будва и Алексеј Лободин (центар).