Украина и покрај помошта на Западот не е во состојба да го реши конфликтот и би и помогнало испраќање воен персонал од земјите на Европската унија и НАТО, но тоа би довело до апокалипса, изјави денеска словачкиот премиер Роберт Фицо.

Западот гледа дека, и покрај значителната финансиска и воена помош,  Украина не е во состојба да го реши овој воен конфликт… Промени може да се направат само со пристигнувањето на воениот персонал од земјите на ЕУ и НАТО во Украина со најмодерно оружје , но тогаш можевме само да седнеме на балконот со коњак и пура и да го чекаме почетокот на светската апокалипса, вели Фицо во видео пораката објавена на неговата Фејсбук страница, пренесува РИА Новости.

Тој посочи дека на Украина и се потребни модерни системи за противвоздушна одбрана, во спротивно нема смисла да се размислува за проширување на производството на оружје или големи центри за обука во Украина.