Во првото коло од Првата македонска фудбалска лига утре ќе се сретнат Брера Струмица и ФК Вардар, а пред овој натпревар ФФМ ги разочара „Комитите“ со забрана за гостување.

Струмичкиот клуб покажа желба и да ги пречека „Комити“, се монтираше трибина за 100 навивачи, но ФФМ испратила допис со кој забранува присуство на гостински навивачи.

Како објаснување за забраната се наведува безбедносни причини, а информацијата ја потврди Горан Пандев на денешната прес-конференција.

За жал, гостинските навивачи нема да можат да бидат присутни. Добивме од ФФМ допис дека не смееме да ги примиме ‘Комити’ на трибините. Во мое име им се извинувам и во име на клубот. Направивме се што беше во наша моќ, монтиравме и дополнителна трибина за таа намена“, изјави Пандев.

Како и останатите средби, Брера и Вардар ќе играат утре од 17:00 часот.