Управниот одбор на Фудбалската федерација на Македонија (ФФМ) на денешната седница донесе одлука со која се утврдуваат цените на влезниците за натпреварот помеѓу А репрезентациите на Македонија и Казахстан од квалификациите за Светското првенство 2026.

Цените на влезниците изнесуваат 300,00 денари за западната трибина на Националната арена „Тодор Проески“.

400,00 денари е цена на билет за јужна трибина (блок 1, 2, 5 и 6) и северна трибина (блок 13, 14, 18, 19, 20 и 24).

500,00 денари е цена на влезница од Прва категорија, северна трибина (блок 21 и 23) и јужна трибина (блок 3 и 4).

ФФМ ќе им овозможи бесплатен влез на источната трибина на младите фудбалери придружувани од своите тренери од Детска лига, фудбалските школи од регионалните лиги и сите млади категории (пионери, помлади пионери, кадети, младинци) во клубовите во системот на натпреварување на ФФМ.

Натпреварот Македонија – Казахстан од шестото коло во квалификациската група за пласман на Мундијалот ќе се одигра на 13 октомври на Националната арена „Тодор Проески“ во Скопје со почеток од 20.45 часот.

Преземено од: Спорт.ком.мк