Фестивалот „Стрип Трип“ во МКЦ од 6 до 8 јуни
На 6 јуни во Младинскиот културен центар (МКЦ) во Скопје започнува третото издание на меѓународниот стрип фестивал „Стрип Трип“, кое ќе трае до 8 јуни.
Препорачано
-
1
-
2
-
3
Организаторите како главен гостин на фестивалот го најавуваат Рајнхард Клајст од Германија, кој е автор на графичките биографии за Дејвид Боуви, Ник Кејв, и Џони Кеш, како и графичките новели „Боксерот“ и „Олимписки сон“!
На фестивалот ќе присуствуваат и меѓународните ѕвезди Марко Дјешка, Марко Стојановиќ и Гани Сундури.
А, помеѓу македонските стрип автори кои ќе присуствуваат на фестивалот се Александар Сотировски, Смиле Цветановски, Давор Драмиќанин, Наташа Андонова, Филип Алексовски, Матеј Богдановски, Симон Калајџиев и Стефан Николовски.
На фестивалот ќе биде доделена награда „Македонско стрип наследство“ на Томислав Османли.
Дел од програмата е заедничко цртање, концерт, панели и промоции, поткаст во живо, проекција на филмови…
Настанот е бесплатен и отворен за сите, потсетуваат организаторите.
