Во 18 коло од Првата македонска кошаркарска лига екипата на Феникс 2010 триумфираше дома над МКК Куманово со 84:75.

За Феникс 2010 ова е петта победа во низа, деветта вкупно оваа сезона за моментно седмо место со 27 бодови.

Во триумфот најголем придонес имаше Митревски со 21 поен, по 19 реализираа Адетукаси и Бертранд, а 18 имаше Шепард.

На спротивната страна Тадиќ запиша 17 поени, а три помалку имаше Радукиќ.

МКК Куманово по седмиот пораз во шампионатот е на втората позиција со 29 бодови, еден помалку од водечкиот МЗТ Скопје Аеродром.

Во следното коло на 8 март МКК Куманово ќе го пречека Шкупи, додека Феникс 2010 истиот ден ќе оди кај Гостивар.