Иако ова лето се најавуваше како најголемото засилување за евро настапите и тоа доаѓајќи од најголемиот ривал Вардар, само после четири месеци Бразилецот ја прекина соработката со ФК Шкендија.

Раководството на клубот и играчот на заедничката средба дошле до заклучок дека во овој момент разделбата е во интерес на обете страни, така што е пронајден договор за предвремено раскинување на договорот.

ФК Шкендија му се заблагодарува на Хуан Фелипе за неговиот придонес во тетовскиот дрес.

Оваа сезона во нашиот најсилен шампионат на 10 одиграни натпревари Фелипе имаше само еден погодок во домашниот убедлив триумф над Силекс (3:0).

Во својата кариера беше дел уште од екипите на Вардар (со кој играше во групна фаза на Лига Европа), Каират, ЦСКА Софија, Сап Карлос Ориенте Петролеро, РБ Бразил и Санто Андре.