
Феенорд против Милан за осминафинале во Лигата на шампионите
Денеска продолжуваат натпреварите од плејофот од фудбалската Лига на шампионите, а во фокусот ќе биде дуелот меѓу Феенорд и Милан од 21.00 часот во Ротердам, Холандија.
Препорачано
Италијанскиот клуб ќе му гостува на Феенорд на стадионот „Де Куип“ во првиот осминафинален меч, а познато е дека на трибините во Ротердам секогаш владее одлична атмосфера. Холанѓаните ќе бидат исклучително мотивирани, бидејќи првпат по 40 години успеаја да се пласираат во нокаут фазата на елитното натпреварување.
Седумкратниот европски шампион Милан не успеа да обезбеди директен пласман во осминафиналето, бидејќи во решавачкиот натпревар од групната фаза беше поразен од Динамо Загреб (2:1), завршувајќи на 13. место. Сепак, во текот на зимскиот преоден рок, спортскиот сектор на клубот беше многу активен, па капитенот Давиде Калабрија (28) и центарфорот Алваро Мората (32) го напуштија Сан Сиро, но од Феенорд пристигна големо засилување – голгетерот Сантијаго Хименез (23). За холандскиот клуб постигна 16 гола на 19 натпревари, а погоди и на своето деби во Серија А.
Tренерот на Милан, Сержо Консеисао за денешниот дуел нема да може да смета ниту на Аргентинецот, ниту на португалскиот ас Жоао Феликс (25), кој неодамна пристигна од Челси. Споменатиот тандем не беше лиценциран навреме, додека во составот треба да биде новото засилување Кајл Вокер (34) од Манчестер сити.
Лига на шампиони
Плејоф, први натпревари:
18.45 часот Клуб Бриж – Аталанта
21.00 часот Селтик – Баерн Минхен
21.00 часот Феенорд – Милан
21.00 часот Монако – Бенфика