Швајцарецот, Рожер Федерер преку социјалните мрежи испрати емотивно писмо до Рафаел Надал кој на Дејвис купот ја завршува кариерата.

Дејвис купот стартува денеска, а Надал токму во неговата Шпанија во Малага ќе го одигра последниот меч.

Пред заминувањето Федерер му испрати емотивна порака.

„Вамос, Рафаел Надал! Додека се простуваш од тенисот имам да кажам некои работиме пред да станеме емотивни. Ќе започнам со очигледните работи: Почесто ме победуваше, повеќе отколку што јас те победував тебе. Ме предизвика повеќе од кој било друг. Кога игравме на земја изгледаше како да влегувам во твојот двор и ме принудуваше да работам понапорно од кога било претходно. Ме принуди да ја редизајнирам својата игра, едноставно сè однесе на повисоко ниво. Целиот твој процес, твоите ритуали, местењето шишенца во формација, местењето коса, долниот веш… Сè со висок интезитет. Тајна е дека всушност тоа ми се допаѓаше. Беше уникатно, го знаеш и ти тоа, поради тебе го засакав тенисот уште повеќе. Во ред, можеби не веднаш.

По Австралија Опен 2004, првпат станав број 1 на светот и мислев дека сум на врвот на светот. И бев, сè додека два месеца подоцна не се појави на теренот во Мајами со црвена маица без ракави, покажувајќи ги тие бицепси, и ме победи убедливо. Целата приказна што ја слушав за тебе – за неверојатниот млад играч од Мајорка, талентот на генерацијата кој еден ден ќе освои голем турнир, не беше тоа само празна приказна“, стои меѓу другото во писмото од Надал.

Надал денеска ја отвора програмата од четвртфиналниот меч помеѓу Холандија и Шпанија кој стартува од 17:00 часот. Противник на Шпанецот во дуелот кој може да биде негов последен во кариерата ќе биде Холанѓанецот, Ван дер Зандшулп.

 

View this post on Instagram

 

A post shared by Roger Federer (@rogerfederer)