МЗТ Скопје Аеродром вечерва во третото коло во АБА2 лигата на домашен терен во СЦ „Јане Сандански“ – Скопје со убедлив резултат 74:54 (19:20, 15:5, 25:17, 15:12) ја совлада словенечката екипа на Рогашка.

Неизвесна борба се водеше само во првата четвртина која ја освоија гостите со еден кош разлика, а потоа во наредните три целосна доминација на домаќините кои одиграа многу подобро во одбраната, на паузата заминаа со „плус девет“ позитива (34:25).

Кон крајот на третата четвртина популарните „штркови“ веќе имаа +17 предност на семафорот (59:42) и до крајот само рутински ја одработуваа задачата до новиот триумф сезонава.

Најефикасен во МЗТ беше Д. Стојановски со 18 поени (девет скокови), Б. Крстевски реализираше 13 поени, а Н. Омот 11 поени. На спротивната страна како прв стрелец се истакна Ѓ. Лелиќ запиша 12 поени (четири скока).

Ова е трета победа по ред за кошаркарите на тренерот Ѓорѓи Кочов во регионалното натпреварување со новите освоени бодови се зацврстија на врвот на табелата.

Наредниот дуел исто така „металците“ ќе го играат пред своите навивачи на 23 октомври против Борац од Србија.