Фудбалската федерација на Македонија ги информира сите навивачи дека пред натпреварот Белгија – Македонија ќе биде организирана официјална фан-зона за македонските навивачи.

Нашите најдобри фудбалери на 10 октомври во Гент со почеток од 20.45 часот ќе играат против Белгија во еден од клучните натпревари за пласман на Светското првенство во 2026 година.

Моментно на табелата во квалификациската група Ј, води Македонија со 11 бодови, еден повеќе од второпласираната Белгија (која има меч помалку), а трет е Велс исто така со 10 бодови.

Место: Коренмаркт, Гент

Време: 11:00 – 18:00 | 10.10.2025

Фан-зоната ќе биде место на собирање, дружење и заедничка поддршка за репрезентацијата пред почетокот на натпреварот.

ФФМ обезбедува бесплатен организиран превоз за сите навивачи од фан-зоната на Коренмаркт до стадионот и назад. Поаѓање на автобусите: во 18:15 часот.

Навивачите може да ја најдат точната локација на фан-зоната преку QR-кодот на објавениот флаер.

Да ја покажеме македонската поддршка и заедно да создадеме вистинска навивачка атмосфера во Гент.