Колумбискиот напаѓач, Радамел Фалкао бил заинтересиран да се пресели во редовите на ЦСКА Москва, но сепак нема да се пресели во Русија.

Дека навистина имало преговори помеѓу Фалкао и рускиот гигант потврди директорот за комуникации на ЦСКА, Кирил Брејдо.

„Постоеше можност да го ангажираме Фалкао. Радамел е голем играч, сепак тој трансфер нема да се реализира“, изјавил Брејдо за руските медиуми.

Фалкао разговарал со својот сонародник од ЦСКА Москва, Хорхе Карскал и изразил спремност од Рајо Ваљекано да се пресели во Москва, сепак адвокати го советувале да ја одбие понудата од Русија.  ЦСКА поради војната во Украина е под американски санкции, а Фалкао има недвижности во САД и бил советуван дека не би требало да ризикува.

Колумбиецот сезонава за тимот каде што брани нашиот Столе Димитриевски постигна два гола на 17 натпревари. Во кариерата Фалкао го носеше дресот уште на Лансерос, Ривер Плејт, Порто, Атлетико Мадрид, Челси, Манчестер Јунајтед, Монако и Галатасарај.