Светскиот шампион од 2010 година со шпанската фудбалска репрезентација, Сеск Фабрегас е опција за тренерската позиција во РБ Лајпциг за следната сезона, објавува германското издание „Лајпцигер Волксцајтунг“, истакнувајќи го добриот однос меѓу Фабрегас и еден од шефовите на Ред Бул, Оливер Минцлаф.

Двократниот европски шампион Фабрегас моментно е тренер на италијанскиот клуб Комо.

Привремената тренерска позиција во РБ Лајпциг ја држи Золт Лев, кој беше назначен по отпуштањето на Марко Розе минатиот месец, но клубот бара нов тренер за претстојната сезона.

На списокот на кандидати, според извештаите, се наоѓаат и менаџерот на Кристал палас, Оливер Гласнер, тренерот на Сент Паули, како и Роџер Шмит, кој е без клуб.

Македонскиот репрезентативец Елиф Елмас е член на Лајпциг, но е испратен на позајмица во тимот на Торино.