Фудбалерите на Манчестер сити повторно имаа среќа во ждрепката на ФА Купот, откако денеска го извлече Плимут.

Сити со години често има среќа во извлекувањето на куповите во Англија, а таа традиција продолжува и вечерва, откако најлошиот тим во Чемпионшип е следниот ривал на „граѓаните“. Точно е дека Плимут го елиминираше Ливерпул, но тоа не го менува фактот дека Пеп Гвардиола ќе може да ги одмори своите најдобри играчи на својот стадион против Плимут.

Во останатите двојки настапуваат бројни премиерлигашки тимови, а особено интересни се Манчестер јунајтед – Фулам и Њукасл – Брајтон, додека Борнмут е домаќин на Волвс.

Добро се снајде и Астон Вила, ќе биде домаќин на Кардиф па има големи шанси да се пласира во четвртфиналето.

За потсетување, чекаме уште два тима во осминафиналето, Донкастер е домаќин на Кристал палас, а Нотингем форест е домаќин на Ексетер во вторник.

Двојките од 5. коло, закажани од 1 до 4 март:

Престон – Барнли
Астон Вила – Кардиф
Донкастер/Кристал Палас – Милвол
Манчестер Јунајтед – Фулам
Њукасл – Брајтон
Бурнмаут – Вулверхемптон
Манчестер Сити – Плимут
Ексетер/Нотингем Форест – Ипсвич