Наскоро доаѓа нов дизајн на еврото. Постојните банкноти ќе останат во употреба дури и по воведувањето на нови, а транзицијата ќе биде постепена. Европската централна банка (ЕЦБ) објави дека банкнотите на еврото ќе бидат целосно обновени. Двата главни мотиви на новите дизајни ќе бидат: „Европска култура“ и „Реки и птици“. Беше нагласено дека новите банкноти ќе бидат помодерни, пошарени и побезбедни.

Темата „Европска култура“ нема да вклучува само архитектонски градби, туку и историски личности кои оставиле свој белег во операта, науката, литературата и занаетчиството. Темата „Реки и птици“ ќе го симболизира природното богатство, разновидноста и отпорноста на Европа. На задната страна на банкнотите ќе бидат прикажани европските институции, нагласувајќи ја важноста на зачувувањето на овие вредности. Европската централна банка ги менува банкнотите на еврото. Новите дизајни, со теми од културата и природата, ќе бидат пошарени, помодерни и побезбедни- пренесе Каматица.

Во процесот на дизајнирање учествуваа не само бирократи, туку и експерти од различни земји и граѓани. Две советодавни групи од Еврозоната дадоа предлози, а околу 365.000 луѓе го дадоа своето мислење. Помеѓу 15 јули и 18 август, ЕЦБ организираше отворен натпревар за графички дизајнери од цела Европа. Избраните дизајни ќе бидат презентирани на јавноста во 2026 година.

Воведувањето на нови евро банкноти во оптек ќе трае неколку години. Европската централна банка нагласи дека готовината ќе продолжи да се користи, а новите банкноти ќе бидат помодерни, пошарени и отпорни на фалсификување.

ЕЦБ објави дека постојните серии на банкноти ќе останат валидни и по воведувањето на новите. Старите ќе бидат во оптек додека не се исцрпат залихите, а граѓаните ќе можат да ги користат и менуваат во банките во секое време. Доколку во иднина се одлучи да се пензионира старата серија, таа одлука ќе биде објавена навреме. На овој начин, преминот кон новиот дизајн ќе биде постепен и непречен и за пазарот и за граѓаните.