Љубителите на европскиот фудбал очигледно очекуваа вистинско искуство од континенталното натпреварување, бидејќи претходно се играше во услови на Ковид-пандемијата и во повеќе земји.

Ако лаже субјективното чувство, не лажат бројките за гостувањата на стадионите на Европското првенство што се одржува во Германија.

Се одиграа четвртфиналните натпревари и вклучувајќи го и натпреварот меѓу Холандија и Турција, на стадионите за време на ЕП беа присутни 2.492.720 гледачи, што е и нов рекорд кога е во прашање посетата на шампионатот на Стариот континент.

Претходно, најголем број посетители на фудбалските стадиони имаше во 2016 година на турнирот во Франција, кога на 51 натпревар присуствуваа 2.427.303 гледачи.

Просечната посетеност на натпреварите во Германија е 51.932 гледачи, што е највисока од турнирот во 1988 година организиран од тогашна Западна Германија, кога просечната посетеност беше 59.243 гледачи.

Италијански новинар: Ова е најлошото Европско првенство кое сум го гледал во животот