Во рамките од првиот натпревар во третата рунда на Европскиот куп во женска конкуренција, екипата на Ѓорче Петров во салата „Автокоманда“ во Скопје со 45:26 го совлада Румс Јагс од Австрија.

На тој начин македонскиот женски ракометен клуб веќе може да се прогласи за осминафиналист во ова натпреварување, иако следува и реваншот денеска од 18.00 часот во кој пласманот треба да биде потврден.

Кај стрелците во победничките редови Јанкуловска беше најефикасна со 10 голови, осум запиша Николиќ, а седум Дукоска.

На спротивната страна по пет погодоци имаа Вебер и Кротвашл.

Од Европскиот куп елиминиран е составот на ЖРК Чаир кој и на возвратната пресметка против израелскиот Макаби Аразим Рамат-ган загуби со 37:31. На првиот меч ЖРК Чаир претрпе пораз од 33:30.