Евролига: Партизан со триумфот над Алба Берлин ги одржува шансите за плеј-ин
Кошаркарите на Партизан во вторникот ја совладаа Алба Берлин со резултат 85:71 во 31. коло од Евролигата.
Препорачано
„Црно-белите“ ја прекинаа серијата од три порази во елитното клупско натпреварување и сега со учинок од 16-15 и сè уште имаат се во свои раце кога е во прашање пласманот во плеј-ин, а можеби дури и за плеј-офот.
Од друга страна, германската екипа е последна во поредокот со само пет победи.
Во редовите на српскиот претставник Брендон Дејвис беше најефикасен со 22 поени, Карлик Џонс постигна 15, а Исак Бонга 14. Кај Алба 16 поени постигна Мет Томас.
Во другите мечеви: Фенербахче – Париз 101:100, Монако – Жалгирис Каунас 96:86, Баерлона – Баерн 101:102, Лион Вилербан – Олимпијакос 81:70, Реал Мадрид – Олимпија Милано 96:89.
Македонскиот репрезентативец Ти Џеј Шортс во поразот на Париз од Фенербахче реализираше 19 поени и 10 асистенции за 30 минути на паркетот.
Ненад Димитријевиќ во поразот на Олимпија Милано против Реал Мадрид запиша шест поени за скоро 11 минути игра.
