Бјорн Кујперс е избран за главен судија на последниот натпревар на Евро 2020 меѓу Италија и Англија, што ќе се одигра во недела (11 јули, 21.00 часот) на стадионот „Вембли“ во Лондон.

Како помошници на Холанѓанецот ќе им се придружат сонародниците Сандер ван Роекел и Ервин Зеинстра, додека четврти судија ќе биде Шпанецот Карлос Дел Серо Гранде.

Делеше правда на три натпревари на овогодинешното Европско првенство. Во победата на Белгија против Данска (2:1), натпреварот помеѓу Шпанија и Словачка, во кој „црвената фурија“ го декласираше противникот (5:0) и триумфот на Данска во четвртфиналето против Чешка (2:1).

Кујперс во 2013 година го судеше финалето во Лигата на Европа помеѓу Бенфика и Челси, додека една година подоцна го судеше финалето во Лигата на шампионите помеѓу Атлетико и Реал Мадрид.

Во пресрет на овој дуел Англичаните предлагаат доколку бидат шампиони на Европа 12 јули да биде прогласен за национален празник. Објавена е и петиција која досега има 110,000 потписи за прифаќање на предлогот.

Мурињо за пеналот на Англија: Нема да ви се допадне тоа што ќе го кажам