Секоја година во текот на топлите летни денови, ја гледаме истата слика во градот. Родителите ги покриваат детските колички на своите мали деца и бебиња со гази или марами за да ги заштитат од сонцето. Од чисти добри намери, несвесно ги ставаат своите деца во опасност. Дури не се свесни дека на тој начин можат да им го загрозат животот.

Педијатрите велат дека дури и најтенката памучна ткаенина, како газата, ја зголемува температурата во детската количката и го блокира слободниот проток на воздух.
Тестот што беше направен за да се провери ова, покажал дека по само 30 минути, за време на топол ден, температурата во покриените колички достигнала температура од 34 степени.

Опасно прегрејување

За да можете полесно да ги сфатите односите на температурата, еве еден пример. Ако надвор е 25 степени, во количката покриена со некоја импровизирана прекривка, температурата е дури 15 степени повисока, односно изнесува 40 степени.

Бебето во таква количка едноставно може да се свари. Бидејќи нашето тело се лади со потта, бебето ја нема таа опција. На бебето му се зголемува телесната температура и доаѓа до прегревање. А, прегревањето може да доведе до топлотен удар кој може да предизвика оштетување на централниот нервен систем, оштетување на мозокот па и смрт.

Совети на кои треба да се придржувате во текот на летните горештини

1. Заборавете на импровизираното покривање на количката. Користете ги покривките кои се наменете за тпа или оние што се во пакет со количката.
2. Избегнувајте престој на отворено од 10 наутро до 16-17 часот.
3. Не им ставајте капи на бебињата, бидејќи најмногу топлина губат преку главата. Со ставањето на капата за време на топлите денови може да доведе до прегрејување.
4. Облечете го бебето во светла и лесна облека што ѝ овозможува на кожата да дише.
5. Водете сметка детето да зема доволно течности.
6. Бебињата откако ќе наполнат шест месеци, можете да ги мачкате со заштитни кремови за сонце.