Многу сум горд и не можев да верувам кога последната премина преку мрежата – изјави британскиот тенисер Даниел Еванс по триумфот над Новак Ѓоковиќ во осминафиналето на Мастерсот во Монте Карло.

Во моментов 33. тенисер на АТП листата, тој направи големо изненадување и ја оствари најзначајната победа во кариерата.

– Задоволен сум како играв и како влегов во натпреварот. Се чувствував навистина добро. Никогаш не можете да бидете многу преполни со самодоверба кога играте таков голем меч против Новак. Ова е навистина голема победа. Воодушевен сум што се пласирав во следната рунда, особено затоа што бев во минус „брејк“ во вториот сет. Имав и некои потешкотии во првиот сет, но на крајот сепак треба да бидам многу задоволен – рече Еванс.

Иако имаше негатива од 3:0 во вториот сет, Британецот успеа да направи пресврт.

– Најважно е дека треба да верувате во себе дека можете да победите. Морам да признаам дека малку се сомневав во себе, бидејќи не е лесно да се сервира во тешки, одлучувачки моменти. Тогаш сè минува низ вашата глава, но ете среќа што јас победив. После турнирот, ќе им раскажувам на моите деца и внуци како го победив најдобриот тенисер во светот – додаде Еванс.