Кошаркарот на Кливленд, Еван Мобли, е прогласен за најдобар одбранбен играч на годината во НБА лигата за сезоната 2024/2025, објави официјалната веб-страница на натпреварувањето.

Мобли одигра 71 натпревар оваа сезона, со просек од 18,5 поени, 9,3 скокови, 3,2 асистенции, 1,6 блокада и 0,9 украдена топка по натпревар.

Членот на Кавалирс доби 285 гласа, додека второто место му припадна на Дајсон Дениелс од Атланта, со 197. Трет беше играчот на Голден стејт, Дрејмонд Грин, со 154.

Кливленд го заврши регуларниот дел од сезоната во Источната конференција на НБА на првото место со 64 победи и 18 порази.

Кавалирс моментно води со 2:0 против Мајами во првата рунда од плеј-офот во Источната конференција.