Фото: RK Eurofarm Pelister

Eурофарм Пелистер третпат во низа го победи Вардар и го освои Регионалниот турнир во Скопје

Ракометарите на Еурофарм Пелистер се победници на првото издание од Регионалниот ракометен турнир, што викендов се одржа во Скопје. Битолскиот тим до трофејот стигна со максимален учинок, три победи од исто толку натпревари, а во финалниот дуел славеше над најголемиот ривал Вардар со резултат 25-23.

Натпреварот, кој поради безбедносни причини предизвикани од пожарот во близина на салата „Борис Трајковски“ беше преместен во „Јане Сандански“, понуди голема борба, но и потврда на моменталната надмоќ на Пелистер.

Почетните минути на натпреварот донесоа израмнета борба, но по десетина минути „зелено-белите“ влегоа во препознатлив ритам и почнаа да ја зголемуваат предноста. Во неколку наврати во првиот дел поведоа и со пет гола, а на одмор заминаа со позитива од 14-11.

Вардар се обиде да се врати во игра на стартот на второто полувреме, но Пелистер го контролираше ритамот и без поголеми осцилации ја задржа предноста. На моменти разликата повторно изнесуваше пет гола, а „црвено-црните“ не најдоа начин да го анулираат водството на противникот. На крај, Пелистер го потврди статусот на најдобар тим на турнирот со конечни 25-23.

Во женска конкуренција, шампионскиот пехар замина во Подгорица. Тимот на Будуќност покажа квалитет и сигурност, забележувајќи три победи на три одиграни натпревари, со што заслужено го освои првото место.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот