Во вториот полуфинален натпревар во салата „Билјанини извори“ во Охрид ракометарите на Еурофарм Пелистер го совладаа ГРК Охрид со 27:23 во Купот на Македонија.

После првото полувреме играчите на ГРК Охрид имаа минимално водство од 12:11.

Битолската екипа в недела од 17.30 часот во финалето за куп пехарот ќе игра против РК Вардар 1961 кој претходно беше подобар од РК Алкалоид.

Во победничките редови најефикасен беше Кузмановски со седум голови, додека истиот учинок го имаше и Ојлески во поразената екипа.

Во ова натпреварување најмногу трофеи има Вардар, вкупно 16, додека Еурофарм Пелистер има пет, а со евентуална нова титула ќе се израмни со Металург на второто место на вечната листа по освоени куп пехари.